LEGAZPI CITY—Idineklara an anom na munisipalidad asin sarong ciudad sa provincia kan Sorsogon bilang ‘Peace Zone’ makalihis makua an Stable Internal Peace and Security status o an pagbisto sa mga lugar na libredo gikan sa insurhensya.
Segun ki Sorsogon Police Provincial Office Public Information Officer Police Major Arwin Destacamento, sa intrevista kan Bombo Radyo Legazpi, kabale sa mga nasabing lugar an Sorsogin City, Castilla, Gubat, Casiguran, Puerto Diaz, Sta. Magdalena asin Matnog, na kun sain posible pang madugangan sa sa maabot na Hulyo.
Saro ining programa kan saindang partner agencies asin counterpart kan Philippine Army, bilang inisytaba nganing ideklara an mga munisipalidad sa irarom kan Stable Internal Peace and Security
Segun ki Destacamento dakula ining tabang para sa paz y orden kun sain mahihiling na sa laog nin pirang taon warang anuman na untoward incident sa atrocities kan mga communist terrorist groups; sorong man na digdi mahihiling an pag-uswag kan provincia nin Sorsogon.
Mientrastanto, magpapadagos an nasabing lakdang sagkod na maubos an iba pang natatadang munisipalidad na dae pa naidedeklarar bilang ‘Peace Zone’ kan saindang opisina.
