LEGAZPI CITY—Nakisumaro an kapulisan kan provincia nin Sorsogon sa ginibong Seminar on Student Counseling, School Safety and Crisis Response katabang an Pamahalaang Panlalawigan ng Sorsogon asin Sorsogon Provincial Disaster Risk Reduction and Management Office nganing maasigurar an ligtas asin malikayan an insidente nin kadahasan sa mga eskwelahan sa lugar.
Segun ki Sorsogon Police Provincial Office Spokesperson Police Major Arwin Destacamento, sa intrevista kan Bombo Radyo Legazpi, saro ining inisyatiba ni Sorsogon Governor Edwin “Boboy” Hamor nganing magkaigwa nin lakdang an gobierno provincial sa koordinasyon sa mga eskwelahan kan naunambitang provincia.
Dugang niya na inatendiran ini kan 60 personahes kan saindang opisina magin nin psychologists.
Saro man sa ipinunto kan nasabing seminar na dakula an responsibilidad kan mga magurang sa pagpapadakula kan saindang mga aki.
Katakod kan pag-obserbar kan seguridad an mas pinahigot man ninda an police visibility sa paglaog asin pagluwas kan mga estudyante asin paratukdo sa mga eskwelahan.
Mientrastanto, mensahe man kan opisyal na pwedesir mag-apod sa unified hotline number kan saindang opisina nganing tulos na marespondehan an anumang insidente o nganing dae na ini mag-abot pa sa mas malalang sitwasyon.
