LEGAZPI CITY-Nagbunga an pinakusog na kampanya kontra-insurhensya kan PNP Sorsogon makalihis mag-surender an duwang miembro kan Communist Terrorist Group (CTG) sa probinsya.
Binisto an mga dating rebelde na sinda alyas “Sison” na miembro poon pa kan 1972 asin residente kan Pilar, Sorsogon asin saro pang 48-anyos na babae na dai binanggit kun kasuarin na-recrute, alagad ngonian nalinawan na kan saiyang sadiri.
Segun ki Sorsogon PPO Public Information Officer Police Major Arwin Destacamento, sa intrevista kan Bombo Radyo Legazpi na huli sa kampanya laban sa mga teroristang grupo, nagresulta ini sa pagsuko kan duwang dating miembro kan CTG sa probinsya.
Sinabi man kan opisyal na poon kan ilunsar an (E-CLIP) Program o Enhanced Comprehensive Local Integration Program, nasa labi 200 na mga dating rebelde an nagbalik-loob na sa gobierno.
Poon Enero, nasa labi 60 na former rebel man an nairehistro kan nakalihis na taon.
Nagkakaigwa man sinda nin mga intergation program para sa mga rebelde na nag-surender kun sain pigtatawanan sinda nin mga benipisyo siring kan mga health benifits, pabahay, o magin mga insentibo.
Padagos man an mga programa kan probinsya katuwang an mga dating rebelde, asin pigeenganyar an mga miembros kaini na magsuko na para sa mas maayos na pamumuhay para sa saindang mga pamilya.
