LEGAZPI CITY-Nagpaluwas na suboot nin warrant of arrest an International Criminal Court (ICC) laban kay Senador Ronald “Bato” Dela Rosa, susog iyan sa sarong report.
Sa presente, wara pang impormasyon an DOJ mapadapit sa sinabing arrest warrant laban sa senador.
Segun kay Justice Spokesperson Atty. Polo Martinez, sa presente wara pang impormasyon an saindang opisina mapadapit sa suboot warrant of arrest kan ICC laban kay Dela Rosa.
“No info on this yet,” segun kay DOJ Spokesperson Martinez.
Marurumduman na saro si Dela Rosa sa mga pigtuturo na kasabwat ni dating Presidente Rodrigo Duterte sa saiyang kasong crime against humanity katakod kan kontrobersyal na gera kontra droga durante kan saiyang administrasyon.
Apwera kay Dela Rosa, kaiba man si Senador Christopher Lawrence “Bong” Go sa mga pinangaranan kan ICC bilang co-perpetrator ni Duterte.
Mientras tanto, poon Nobiyembre 2025 pa huring nagpahiling sa publiko si De la Rosa kun sain binalot nin kritisismo hale sa publiko, sa tahaw kan obligasyon asin pigkakahampang na krisis kan nacion.
