LEGAZPI CITY-Pighayag kan Bureau of Customs (BOC) na posibleng magbago an mga oil shipments sa Pilipinas sa mga masunod na aldaw o semana mantang pig-asigurar sa publiko na padagos na nag-aabot ini sa nacion.
Sinabi ni Customs Commissioner Ariel Nepomuceno na sagkod ngonian mantenidong ‘normal’ an pag-abot kan mga produktong petrolyo sa nacion asin wara pa nin pagbawas sa ngonian.
Alagad idinagdag ni Nepomuceno na kadaklan sa mga kargamento posibleng ipinadara na gikan sa Middle East bago pa an gera.
Sinabi pa niya na an oil shipments hale sa Middle East pasiring sa Pilipinas, nagaabot nin 14 sagkod 20 aldaw o mas halawig pa, kun kaya pig-aantisipar an pagbawas kan mga kargamento nin langis sa maabot na mga semana kun orog pang naglalala an tensyon.
Mientrastanto, nagbilog man an ahensya nin internal task force ngani mabantayan an pag-abot kan mga produktong petrolyo urualdaw.
Sa ngonian, dae pang kanseladong oil shipment, alagad sinabi kan BOC Commissioner na igwa nang iba pang mga shipment na pig-octaba.
