Inusisa ni Senator-judge Bam Aquino kung nata warang ‘economic justification’ an transaksyon na naglaog kan ginatos milyones de pesos sa account kan Cale88 Foods Corp.
Marurumduman na dating tinukoy kan Anti-Money Laundering Council (AMLC) na warang ‘underlying legal or trade obligation, purpose, or economic justification’ an mga transaction na may koneksyon sa nasabing korporasyon, sa tahaw kan ₱319.33 million na inward remittances hali sa China asin Hong Kong.
Paliwanag ni Security Bank Branch Banking Group Head Leslie Cham, nagiging ‘suspicious’ o warang ‘economic justification’ an sarong bank o financial transaction kun wara ining kalakip na proof o source of income o kung sain naghali an nasabing pondo.
Sa siring na sistema, ipigkokunsiderar na suboot kan mga bangko na kahina-hinala an mga bank transaction na dae nagpahiling kan siring na dokumento.
Alagad dae kaini direktang tinukoy an ₱319.33-M transaction sa Cale88, an siring na sistema an pigsusunod sa gabos na mga bangko sa bilog na nacion, siring kan mga bangko na may koneksyon sa Cale88.
