LEGAZPI CITY- Inihayag kan Albay Provincial Agriculture Office (APAO) na padagos an esfuersos kan ahensya ngani na maibsan an posibleng epekto kan super el Niño urog na sa mga paraoma.
Segun ki Provincial Agriculturist Daryl John Buenconsejo sa intrevista kan Bombo Radyo Legazpi na nakikipagtabangan sinda sa manlain lain na mga ahensya ngani na masierto na handa sa nasabing tagmara.
Sinierto kan opisyal sa mga paraoma asin sa mga namamanwaan na pigigibo ninda an gabos na preparasyon.
Sinabi ni Buenconsejo na kinakaipuhan na masabutan kan mga paraoma an kinakaipuhan na gibuhon ngani na makapaghanda.
Sa lado kan ahensya, igwa na suboot na mga preparadong intervention asin inputs na pwedesir na ipanao sa mga paraoma.
Mientras tanto, nangapudan man an opisyal nin pagtatarabangan kan gabos ngani na maihanda an sadiri sa nasabing sitwasyon.
