Naghampang sa sarong dae pinaglalaoman na boxing session an Pambansang Kamao na si Manny Pacquiao asin an presidente kan Poland na si Karol Nawrocki makalihis magkaibanan an duwa sa sarong training mantang nasa Pilipinas an foreign leader.
Ipigheras kan dating world champion an mga video kun sain mahihiling na pigtuturuan niya nin mga basic na galaw sa boxing asin mitt work an lider kan Poland.
Segun ki Pacquiao, dakulang honra para sa saiya na maipahiling an saiyang kaaraman sa lado kan sports asin makaibanan sa training an presidente kan Poland.
Nagpaabot man nin pasasalamat si President Nawrocki sa pambihirang pagkakataon na makaibanan sa ring asin makipag-sparring sa eights-division world boxing champion.
Nakaresibe man nin positibong reaksyon hali sa mga tagahanga an nasabing tagpo huli sa tibay asin pagigin mag-amigo kan duwa sa paagi kan sports diplomacy.
