LEGAZPI CITY-Bahagyang naglangkaw an presyo kan langis sa bilog na kinaban sa ika-tulong sunod-sunod na aldaw mantang padagos an gera sa pag-ultanan kan Estados Unidos asin Iran, na mas pinatindi kan potensyal para sa halawig na mga pagkadisturbo sa suplay nin enerhiya.
An Brent crude futures naglangkaw nin 20 sentimos, o 0.22%, sa $91.07 kada bariles, mantang an US West Texas Intermediate o WTI naglangkaw nin 49 sentimos, o 0.58%, sa $84.99 kada bariles.
Sinabi kan mga analista na an mga tensyon sa Middle East, padagos na nagsusuporta sa presyo kan langis, partikularmente an pagluway kan mga operasyon sa Strait of Hormuz, sarong pangenot na ruta para sa pankinabang suplay nin langis asin liquefied natural gas.
Sinabi kan Iran na an Strait of Hormuz magtetenir na sarado sagkod na maabot kan Estados Unidos an mga kondisyon kan sarong temporamenteng kasunduan na pinirmahan kan Hunyo.
Kabali digdi an pag-pundo sa mga operasyon militar asin iba pang mga kahagadan gikan sa Tehran.
Mientrastanto, sinabi ni U.S. President Donald Trump nagsabi na an orolay sa pag-ultanan kan Washington asin Tehran nakaabot sa sarong deadlock, mantang nag-iinsistir na an Strait of Hormuz bukasan sa ibong kan limitadong pagpapadara.
Bilang resulta, an mga analista nagpatanid na an presyo kan langis pwedisir magtenir na halangkaw sa maabot na mga bulan kun an mga tensyon sa Strait of Hormuz dai maresolberan.
Mientrastanto, nagpadagos an gera sa ibang parte kan Middle East makalihis na sakyadahon kan grupong Houthi na suportado kan Iran an nagkapirang barko sa Res Sea.
