Nakatalaan na kaolayon ni US President Donald Trump si Russian President Vladimir Putin dapit sa detalye kan pagkagadan kan laboratory workers sa plague research center sa Siberia.
Segun sa US President na gigibuhon an pag-apod kaini ngunyan na Huwebes ngani na maaraman an tunay na pangyayari.
Dae man kinumpirmar ni Kremlin spokesman Dmitry Peskov na magkaigwa nin pag-oolay an duwa sa telepono.
Sinierto man kaini na an pangyayari an basado sa standard practice hali sa World Health Organization (WHO).
Inakusaran pa kaini an media na nagpapaluwas nin salang impormasyon.
Enot nang sinabi kan White House na igwa sindang diplomatic message sa Russia na naghahagad nin dugang na impormasyon.
Marurumduman na pig-iimbestigaran na kan Russia an pagkagadan kan 28-anyos na bikitma kun sain an mga nakasalamuha kaini an nagnegatibo man sa pinagtutubudan nindang pneumonic plague.
Basado sa imbestigasyon kan WHO na an pneumonic plague an igwang sarong halipot na incubation period sa laog nin 24 oras asin ini an nakakagadan kun dae tulos naagapan.
