Piglalaoman na kan Energy Regulatory Commission (ERC) na lalo pang mahalangkaw an electricity rates sa nacion sa Abril, huli na man kan pag-abot kan panahon nin tag-init asin kan oil price hike kawsa kan giyera sa Middle East.
Segun ki ERC chairperson Francis Saturnino Juan, kabale man sa piglalaoman nindang mapahalangkaw sa presyo kan kuryente an mas halangkaw na shipping costs para sa oil, coal, asin natural gas na piggamit sa mga power plants sa nacion.
Segun saiya kalimitan na an pagtaas kan power rates pag naglalangkaw an demand kaini huli sa panahon kan tag-init.
Siring man huli sa paghalangkaw na presyo kan mga produktong petrolyo an piglalaomang mas dakula pa an itataas kaini sa ngunyan.
Basado sa pagkarkulo kan Independent Electricity Market Operator of the Philippines, na nag-o-operate kan Wholesale Electricity Spot Market (WESM), mahihiling an paglangkaw an pwedesir mag-abot nin gikan P2 hanggang P4 kada kilowatt-hour (kWh).
Segun pa ki Juan piglalaoman nindang mamamatean an nasabing increased electricity rates sa bulan kan Abril.
