Hinimok ni Senator Kiko Pangilinan an gobyerno na enoton an mga paraoma, parasira, asin mga pamilyang kapos sa pag-andam sa Super El Niño.
Segun ki Pangilinan, kaipuhan nang maglatag nin mga lakdang an gobyerno para protektaran an mga sektor na lubos na maaapektaran kan halawig na tagmara, paglangkaw kan presyo kan pagkakan, asin pagkawara nin kabuhayan.
Duon kan senador, mas marahay na mag-andam nin amay kaysa magtururu-an asin magsisisihan pag yaon na an epekto kan weather phenomenon.
Kaipuhan man na pag-andaman kan mga ahensya an bastanteng supply kan mga pangangaipo, lokasyon kan mga imbakan, asin marhay na sistema nin pagtao nin tabang sa mga komunidad.
Iminungkahi man ni Pangilinan an pag-andam nin water tanker, bomba nin tubig, water treatment equipment, asin repair team para tulos na maipadara sa mga lugar na kulang sa tubig.
Giit niya, kaipuhan nang maghiro an gobyerno mantang amay pa ngani masiguro na igwa nin bastante na supply asin marhay na sistema nin pagresponde antes pa maglala an epekto kan Super El Niño
