Apat an gadan, kabali an duwang-bulan na omboy, sa pag-atake kan drug gang asin rebel groups sa sarong military base sa southern Colombia.
Nangyari an pag-atake Domingo nin banggi sa Planadas, Tolima province, kun sain pigtira kan mga dai pa bistong suspek an base gamit an improvised rocket na gibo sa gas cylinder.
Segun ki Planadas Mayor Juan Camilo Hueje, nadamay man sa pag-atake an kataraid na ospital asin mga harong kaya pansamantalang ginamit an eskwelahan bilang ospital.
Nanuga si Colombia President Abelardo de la Espriella na gagamiton an bilog na pwersa kan estado para tapuson an mga kriminal na grupong ini.
Segun ki Human Rights Ombudswoman Iris Marin, haloy nang nakikipaglaban an mga rebelde para makua an kontrol sa Planadas puon pa kan 2022.
Maski igwa nin peace agreement kan 2016, naglangkaw giraray an karahasan kasunod kan kampanya kan militar kontra sa ilegal na gold mining sa lugar.
