Nagsakat na sa 111 katawo an numero kan mga binawian nin buhay makalihis an magnitude 7.4 na linog sa norteng parte kan Colombia.
Nasa 87 man an nairido mantang nagpapadagos an rescue operation sa mga tawong posibleng na-trap sa irarom kan mga nagrasay na establishimento.
Sa datos kan U.S. Geological Survey may rarom na 107 kilometro an linog harani sa San Jose del Palmar, sa provincia kan Chocó.
Makusog an namatean napagyugo maging sa nagkapirang darakulang ciudad sa nacion.
Ini an enot na dakulang krisis na kakahampangonkan bagong administrasyon ni Colombia President Abelardo De La Espriella, nagkapirang aldaw makalihis siyang manumpa sa pwesto.
Huli digdi, idineklara na ni De La Espriella an national state of emergency asin sinabi na preparado an bilog na gobierno ngani na magsagibo nin rescue operations asinmaghatod nin tabang sa mga apektadong komunidad.
Prayoridad kan administrasyon na maisalbar an mga na-trap sa irarom kan mga nagrasay na istruktura.
Naging mas sensitibo man an sitwasyon huli ta sariwa pa sa rehiyon an epekto kan makusog na linog na tuminama sa kataning na nacion na Venezuela kan Hunyo.
