LEGAZPI CITY- Liwat na nagbukas an voter registration para sa May 2028 national elections.
Segun ki Comelec Legazpi Election Officer Atty. Conie del Castillo sa intrevista kan Bombo Radyo Legazpi na nakikipag koordinar an ahensya sa mga barangay, mga unibersidad asin iba pang ahensya ngani na mas mairani pa an registration sa mga Legazpeño.
Napag-araman na sa aga, nakatalaan na magkondusir nin special registration an ahensya sa University of Santo Tomas Legazpi para sa mga estudyante asin mga personnel kan unibersidad.
Afuera digdi, igwa man naka schedule sa iba pang mga barangay ngani na malibot an bilog na ciudad asin maaprobitsaran an pagbabalik kan voter registration.
Segun ki del Castillo na sa bilog na Pilipinas, pinaglalaoman kan Commission on Elections an kabilugan na 3 million na mga bagong magpaparehistro para sa nasabing pirilian.
