LEGAZPI CITY- Nagpapadagos an ipigsasagibong search and rescue operations kan mga otoridad sa Colombia makalihis an nairehistrong magnitude 7. 4 na linog sa San Jose del Palmar, Choco asin pagtaraning na lugar.
Segun ki sa intrevista kan Bombo Radyo Legazpi na marikas an nagin paghiro kan gobierno kan Colombia.
Marurumduman na basado sa pinakahuring datos, labi sa 100 na an mga binawian nin buhay huli sa nasabing pagyugo.
Napag-araman na ipigsugo na man ni Colombia President Abelardo De La Espriella an marikas na pagpapadara nin rescue teams sa mgalugar na naapektaran kan kalamidad asin an pagpapaabot nin tabang sa mga ini.
Sinabi ni Consul Razon na makalihis mismo an linog, tulos na naglatag nin mga unified command posts para sa paglalatag kan mga kinakaipuhan na lakdang.
Mientras tanto, normal na man ngunyan an suplay kan kuryente asin internet sa nasabing lugar sa ibong kan danyos na nairehistro kan kalamidad.
