Inihayag ni US President Donald Trump na ipig-octaba niya an planong pag-atake laban sa Iran, sa kundisyong marikas na makabilog nin kasunduan an mag-inibong na lado.
Segun ki Trump, hinagad suboot kan Iran asin pirang nacion sa Gitnang Silangan na tawan muna nin pagkakataon ang diplomasya huli sa igwa nang mga pangenot na napagkasunduan para sa sarong posibleng kasunduan.
Naenot digdi, nagluwas an mga report na naghahanda an Estados Unidos asin Israel nin mahewasang pag-atake sa energy kan Iran.
Kasabay kaini, nagpatanid an gobierno kan Estados Unidos sa mga namamanwaan kaini sa Gitnang Silangan na magin preparado sa posibleng paglala kan sitwasyon asin anumang aberya sa paglalakbay.
Mientrastanto, sinabi ni Acting Defense Minister Majid Ibn al-Reza kan Iran na pigkonsiderar kan Tehran na seryoso asin kapani-paniwala an gabos kan banta hale sa saindang mga kalaban asin pigdoon na dae sinda magpapabaya o matinir na warang simbag sa anumang posibleng pag-atake.
Wara pa man na opisyal na kumpirmasyon hale sa Iran mapadapit sa pigsasabing panibagong peace talks o sa anumang kasunduang binanggit ni Trump.
