Nagbilog na an Department of Energy (DOE) ng sarong joint task force nganing ibusol an plano kan administrasyon na halion an system loss charges asin value-added tax (VAT) sa mga bayadan sa kuryente kan mga consumer.
Segun sa DOE, an task force an kompwesto kan Energy Regulatory Commission (ERC), National Electrification Administration (NEA), asin mga electric cooperative. Obheto kaining pag-adalan asin ihanda an mga regulasyon asin propwestong ley na kaipuhang maipaotob an direktiba ni Presidente Ferdinand Marcos Jr.
Magigiromdomang sa saiyang State of the Nation Address (SONA), hinagad kan Presidente sa Kongreso na amyendahan ang Electric Power Industry Reform Act (EPIRA) nganing dagos na mahali an system loss charges asin an kaakibat kaining VAT sa mga electricity bill.
Sinabi kan DOE na obheto kan mga repormang ini na mapababa an sa kuryente, maprotektahan ang mga consumer, asin mapatibay an serbisyo kan sektor kan enerhiya.
Kan Hulyo 28, nakipagpulong na man an DOE sa Energy Regulatory Commission asin Manila Electric Company (Meralco) nganing itukar an mga lakdang para maisakatuparan ang propwesto.
Mantang nagpahayag ang Meralco kan kahandaang pag-adalan an mga operational adjustments na makatatabang nganing mapababa an singil sa kuryente.
Ipigdoon ni Meralco Chairman asin CEO Manuel V. Pangilinan na kaipuhang pag-olayan kun sisay an masalo sa kantidad kan system loss charges kun dagos na ining halion, huli sa pwedesir suboot ining mag-abot sa bilyones pesos.
