LEGAZPI CITY—Karsel an bagsak kan tulong high-value target mantang nabuwag an sarong drug den sa kinundusir na buy-bust operation sa Barangay Pamurayan, Sorsogon City.
Binisto an mga suspek na sinda alyas Ric, 42-anyos na pigtutubudang drug den maintainer asin residente kan Bagong Silang, Caloocan City; alyas “Vin”, 32-anyos, bisita asin residente kan Rawis, Donsol, Sorsogon; asin alyas “Ric”, 43-anyos, empleyado na residente kan Central, Casiguran, Sorsogon.
Nakumpiskar sa operasyon an nasa labi 11 gramos nin pigtutubudang shabu na may kantidad na P74,800.
Ginibo an operasyon kan Philippine Drug Enforcement Agency (PDEA) Sorsogon Provincial Office, Sorsogon City Police Station, 1st Provincial Mobile Force Company–Sorsogon, asin 22nd Infantry Battalion kan Philippine Army.
Mahahampang an mga nasabing indibidwal sa kasong pagbalgar sa of Sections 5, 6, 7, 11, 12, Article II kan Republic Act 9165 o Comprehensive Dangerous Drugs Act of 2002.
