LEGAZPI CITY-Nagsagibo nin clearing operation an mga opisyales kan Barangay Bonot sa Legazpi Catholic Cemetery makalihis an obserbasyon kan mga residente sa Undas.
Segun kay Punong Barangay Kap Reynaldo Bendicio, sa intrevista kan Bombo Radyo Legazpi na nagin marhay an pagobserbar kan Undas huli sa mahigot na pagbabantay kan mga otoridad kasabay kan mga Barangay officials.
Wara man nin nairehistrong aksidente sa nabanggit na lugar huli sa pagreparu kan mga otoridad, sa laog asin luwas man kan kamposanto.
Nagin mahigot man an saindang direktiba sa mga pinagbabawal na gibuhon asin kagamitan sa sementeryo, asin nagin mahigot an pagbabantay sa mga personalidad na nagpipirit na makalaog sa lugar.
Nagpapasalamat man an opisyal sa mga residente asin opisyales na nagtarabang ngani magin matoninong an obserbasyon kan Undas sa saindang lugar ngonian na taon.
