LEGAZPI CITY-Arestado an sarong 41-anyos na lalaki na pigtutubudang responsable sa pananaksak na ikinagadan kan sarong 30-anyos na housekeeping staff sa Barangay San Isidro, Parañaque City.
Nadakop an suspek kan Nobyembre 2, 2026, sa isinagibong hot pursuit operation kan Southern Police District (SPD), sa tabang kan tulong barangay tanod.
Nangyari an insidente kan Nobyembre 1. Tulos man na nagsagibo nin imbestigasyon asin follow-up operations an mga tawohan kan San Dionisio Police Sub-Station ngani matukoy an nasa likod kan krimen.
Nagluwas man sa pangenot na imbestigasyon na bigla suboot inatake an biktima, rason ngani dae ini maka-andam o idepensa an sadiri.
Presenteng nasa kustodiya kan pulisya an suspek mantang pighahanda an kaukulang reklamo.
Pighihiling man kan mga imbestigador an posibilidad na may treachery sa insidente, na posibleng maging batayan sa pagsasangat nin kasong Murder.
