Pormal na ipiglatag kan Pilipinas an RISE Agenda ngani na tukaron an mas pusog na proteksyon asin disaster response para sa 11 nacion kan Association of Southeast Asian Nations (ASEAN) sa katatapos pa sanang 35th ASEAN Socio-Cultural Community (ASCC) Council Meeting.
Pinangenotan ni Department of Social Welfare and Development (DSWD) Secretary Rex Gatchalian, na nagseserbing chair kan nasabing council an pagbubusol kan inisyatibo.
Nakatutok an agenda sa family resiliency, youth empowerment, asin inclusive development na direktang masimbag sa pangangaipo kan mga vulnerable sectors sa rehiyon.
Kaibanan sa mga partikular na lakdang an pagpaparahay kan alternative child care policies, pagbusol kan active ageing katabang an pribadong sektor, asin an responsableng paggamit nin artificial intelligence (AI) kan mga jovenes.
Kasabay kaini, pigbubusol man kan delegasyon kan nacion an MANILA-ASPECT Framework.
Obheto kaini na pakusugon an regional interoperability ngani na masierto an marikas, people-oriented, asin rights-based disaster response sa tahaw kan angat sa environmental sustainability asin food security.
Sa pagtatapos kan meeting, nangapudan an Pilipinas nin mas hirarom asin bukas na kooperasyon sa lado kan mga miyembrong nacion.
