LEGAZPI CITY-Naglangkaw suboot nin 590% an police killings sa enot na 25 bulan kan panunungkulan ni dating Presidente Rodrigo Duterte kan taong 2016, susog sa prosekusyon kan International Criminal Court (ICC).
Sa ikaduwang aldaw kan confirmation of charges, sinabi ni ICC trial lawyer Robynne Croft na sistematiko asin mahiwasan an panggagadan katakod kan gera kontra iligal na droga.
Basaso sa prosekusyon, igwang dai mababa sa 274 na kumpirmadong nagadan kan alkalde pa si Duterte sa Davao, asin naglangkaw pa ini kan siya magin Presidente.
Mantang 3,000 sagkod 5,000 an opisyal na numero kan gobierno, pigkakarkulong posibleng tulong beses na mas halangkaw an aktuwal na numero susog sa human rights groups.
Sa Bulacan, uminabot suboot sa 1,600% an paglangkaw kan police killings, asin mas halangkaw ini sa kada 100,000 populasyon kumparar sa bilog na nacion kan India poon 2016 hasta 2018.
Segun sa ekspertong nakaolay kan prosekusyon, solamenteng makatuwirang paliwanag digdi an pagkakaigwa suboot nin mahiwasang polisiya kan extrajudicial killings.
Iginiit man kan prosekusyon na dinara duboot kan dating Presidente an pigaapod na “Davao formula” sa national level katuwang an mga kaalyado sa haralangkaw na posisyon, asin ipinahiling kan prosecutor an mga talumpati ni Duterte na suboot nageenganyar sa pulisya na manggadan kapalit kan proteksyon asin gantimpala.
