Nangapudan an Palasyo ki Senator Ronald “Bato” dela Rosa na magsurener na asin hampangon an warrant of arrest na iniluwas kan International Criminal Court (ICC) laban saiya nganing malikayan an sarong posibleng marahas na komprontasyon.
Inihayag ni Palace Press Officer Usec. Claire Castro an pangapudan makalihis sabihon ni Interior Secretary Jonvic Remulla na nasa Mindanao si Dela Rosa sa irarom kan proteksyon nin sarong grupo kun sain nakikipagnegosasyon ang mga awtoridad para sa saiyang pagsurender.
Ipinaliwanag ni Remulla na dae pwedesir basta-basta arestaron na sana kan law enforcement officers an senador nin dae isinasaalang-alang ang sarong marahas na komprontasyon.
Sa lado kan Palasyo, hinagad ni Castro an mga tagadepensar ni Dela Rosa na dae magsirbing instrumento para sa mga indibiduwal na dapat manimbag sa irarom kan ley.
Magigiromdomang inisyuhan si Dela Rosa nin warrant of arrest hale sa International Criminal Court (ICC) katakod kan giyera kontra droga ni dating Presidente Rodrigo Duterte.
Nakakarsel si Duterte sa ICC sa The Hague, Netherlands, mantang pighahalat an paglilitis sa saiyang kaso na crime against humanity.
