LEGAZPI CITY-Kinondena ni Mamamayang Liberal Party-list Representative Leila de Lima an pagsasangat nin kasong cyber libel asin libel ni Davao City 1st District Representative Paolo Duterte laban sa sarong media network, na suboot posibleng magkawsa nin takot sa mga mamamahayag na nag-uulat nin mga alegasyong korapsyon.
Sa ipinaluwas na statement ni De Lima, an pagsasangat kan kaso laban sa media network asin mga mamamahayag, posibleng magdara nin mensahe na obhetong pasilensyuhon an malayang pamamahayag asin an mga naghahanap sa katotoohan.
Pighalimbawa man kan mambabatas an insidente sa mga nagin lakdang kan administrasyon ni dating Pangulong Rodrigo Duterte kaiba an pagbawi sa lisensiya, pag-atake asin an pagpapasarado kan iba pang mga media network na nakaapektar sa rinibong empleyado.
Tinawan doon kan lehislador na posibleng simbagon kan mga kinauukulan an mga alegasyong pigre-report kan media, orog na kun tinawan sinda nin pagkakataong maipahayag an saindang lado.
Dagdag pa niya, parte kan paninimbagan sa publiko an pagsimbag sa mga kahaputan kan media, imbes na maggamit nin pananakot.
Nanindugan si De Lima, importanteng mapangalagaan an kalayaan sa pamamahayag ngani padagos na makapag-ulat asin makakua nin impormasyon an publiko mapadapit sa mga orolay na igwang kinaaraman sa paninimbagan kan mga nasa kapangyarihan.
