LEGAZPI CITY-Kinumpirma kan Department of Justice (DOJ) na inaprubahan na kan Office of the Prosecutor General an rekomendasyon kan prosekusyon na sangatan nin kaso sina Atty. Levito Baligod asin an 18 dating bodyguards suboot ni former Ako Bicol Partylist Rep. Zaldy Co.
Anom na counts kan kasong cyber libel an saindang planong isangat kontra sa mga nabanggit na persona kairiba an kasong perjury na isinangat man kan DOJ.
Mientras tanto, iaapela ni Abogado Levito Baligod asin kan 18 dating bodyguards na nagsabing naghatod sinda nin kwarata kay Zaldy Co sa manlain-lain na personalidad sa rekomendasyon kan DOJ na magsangat nin kaso laban sa sainda.
Sinabi ni Baligod na sala an DOJ sa desisyon kaini na kasuhan sinda nin cyberlibel, na nagsasabing warang patunay suboot na “nag-post sa social media.”
Dagdag pa kaini na handang magsumiter nin mga indibidwal na affidavit si Baligod asin an suboot 18 dating bodyguard.
An mga reklamo laban kay Baligod asin sa 18 indibidwal, isinangat ninda dating senador Antonio Trillanes IV, dating National Security Adviser Eduardo Año, House Deputy Minority Leader Leila de Lima, Fr. Flavie Villanueva, asin Bureau of Corrections Director General Gregorio Catapang Jr.
