LEGAZPI CITY-Nagkasundo an Ukraine asin Russia sa sarong temporamenteng ceasefire sa occupied town kan Oleshky poon Oktubre 27 sa paagi kan diplomatic efforts ni US First Lady Melania Trump.
Obheto kan kasunduan na makalaog an mga humanitarian aid arog kan pagkaon asin bulong, siring man an pagkakaigwa nin safe passageway para sa pag-ebakwar kan mga natatadang residente sa lugar.
Ipighayag man ni Ukrainian President Volodymyr Zelenskiy na magkakaigwa nin panibagong technical-level peace talks an Ukraine, Russia, asin Estados Unidos sa Abu Dhabi sa enot na kwarter kan Nobyembre.
An mga diplomatikong lakdang na ini nangyari sa tahaw kan ay sigalot katakod kan limitasyon sa SpaceX Starlink communication system asin an kasunduan kan Estados Unidos para sa Russian diesel shipment.
Kasabay kaini, matrayumpo man na naisagibo kan duwang nacion an sarong prisoner exchange kun saen 270 servicemen an naiuli na sa kada kampo.
