LEGAZPI CITY-Liwat na nag-atendir si dating Presidente Rodrigo Roa Duterte, sa International Criminal Court (ICC) para sa ika-apat na status conference sa saiyang pigkakahampang na kaso.
Isinagibo an status conference ngonian na aldaw nin Martes, Oktubre 13, 2026.
Kabale sa mga agenda kan nasabing conference, iyo an pagpresentar kan prosekusyon nin listahan kan mga testigo, asin ebidensya, disclosure kan mga ebidensya sa depensa, protective measures para sa mga testigo, asin iba pang mga preparasyon para sa paglilitis.
Marurumdumang nahahampang si Duterte sa kasong crimes against humanity sa ICC, The Hague, Netherlands huli sa saiyang kampanya kontra iligal na droga kan siya Presidente pa kan Pilipinas.
Mientras tanto, nakatalaan na isagibo an paglilitis kay Duterte sa Nobyembre 30, 2026.
