LEGAZPI CITY-Padagos na makakaekperyensya nin makukusog na pag-uuran an bilog na provincia kan Albay, huli sa epekto kan Shearline mantang paparayo na an Low Pressure Area (LPA) na dating si Bagyong Wilma.
Segun kay Weather Specialist Jaime Bordales sa intrevista kan Bombo Radyo Legazpi, na an Shearline, iyo an pagbanggaan kan duwang duros sa norte asin dagat pasipiko na kawsa man kan LPA.
Paliwanag kan opisyal na mantang wara ng bagyo, an sirkulasyon kan LPA an nagke-krear nin Shearline na magdadara nin padagos na pag-uuran sa rehiyon.
Nagisyu na man nin heavy rainfall warning an saindang ahensya para sa bilog na provincia kan Albay kun sain laoman suboot an mga thunderstorms.
Siring man sa Camarines Sur, Catanduanes, Sorsogon, asin Masbate, kun sain makakaeksperyensya man giraray nin moderatong paguuran sa bilog na maghapon.
Abiso sa publiko na maglikay sa posibilidad kan landslide, huli sa paglumoy kan daga huli sa padagos na paguuran sa rehiyon.
