LEGAZPI CITY-Ipighayag kan State Weather Bureau na makakaapektar sa kondisyon kan panahon sa Bicol Region an Low Pressure Area (LPA) sa luwas kan Philippine Area of Responsibility asin an presenteng LPA sa laog kan nacion, na warang tsansang mabilog bilang sarong bagyo.
Segun ki Weather Specialist Melvin Almujela, intrevista kan Bombo Radyo Legazpi na makakaeksperyensya an rehiyon nin kalat-kalat na pag-uuran huli sa epekto kan trough kan LPA asin an paros magigin maluya sagkod moderato.
An baybayon man sa dagat magigin banayad sagkod moderato an pag-hukol.
Pinag-lalaoman an pag-uuran tuyong hapon poon sa maluluya sagkod makukusog na pag-uuran, partikularmente sa northeast portion kan Kabikolan, kun sain posible man an mga isolated rain shower o kaya thunderstorms.
Mientras tanto, sinabi kan opisyal na dae pa man lubog na nagbubugso an epekto kan Hanging Amihan sa nacion.
Sa presente, nasa transition pa sa pag’ultanan kan Habagat asin Amihan an kondisyon kan panahon, alagad posibleng mamatean na an Hanging Amihan sa masunod na semana o bulan.
Tuyong bulan nin Oktubre, nasa 1-2 bagyo an posibleng maglaog sa nacion, kapag Nobyembre nasa 1-2 bagyo, mantang pagsapait kan Enero 2027, wara ng mga pag-bagyo alagad mas makusog an epekto kan pinaglalaomang “Super El Niño”.
Dugang pa kan opisyal na laoman an below normal na mga pag-uuran sa panahon na ini.
