LEGAZPI CITY—Karsel an bagsak kan sarong 26-anyos na college student na si alyas “Noy,” sa ginibong buy-bust operation sa Barangay San Isidro Village, Virac, Catanduanes.
Ginibo an operasyon kan Virac Municipal Police Station, Police Provincial Office – Provincial Intelligence Unit (PIU), Regional Police Drug Enforcement Unit 5 (RPDEU 5), asin Philippine Drug Enforcement Agency (PDEA).
Nakumpiskar digdio an nagkapirang heat-sealed transparent plastic sachets na may laog nn pigtutubudang shabu na may kabilogang gabat na 2.88 gramo asin may street value na P19,000. Afuera digdi, nakumpiskar man an iba pang mga ebidensyang may kinaaraman sa nasabing operasyon.
Mahahamaopng ini sa kasong pagbalgar sa Sections 5 asin 11, Article II kan Republic Act No. 9165, o Comprehensive Dangerous Drugs Act of 2002.
Mientrastanto, padagos man an pinahigot na kampanya kan kapulisan laban sa ilegal na droga bilang parte kan mga lakdang nganing mamantinir an katoninongan, kaayusan asin kaligtasan kan nasabing provincia.
