LEGAZPI CITY—Timbog an sarong 43-anyos na lalaki na binisto komo Top 1 Provincial Most Wanted Person kan Catanduanes huli sa limang bilang nin kasong panglulugos.
Naarestar ini alinsunod sa warrant of arrest na iniluwas kan Regional Trial Court, Fifth Judicial Region, Branch 42, Virac, Catanduanes na may kinaaraman sa limang magkakahiwalay na kasong rape sa irarom kan Article 266-A(1), in relation to Article 266-B kan Revised Penal Code.
Basado sa report, warang inirerekomendang piyansa para sa mga nasabing kaso.
Mientrastanto, nasa kustodiya na kan Virac MPS an suspek para sa magkakanigong disposisyon asin dokumentasyon.
