LEGAZPI CITY-Nagsakat sa 8.6% an lebel kan inflation rate sa Bicol Region para sa bulan kan Setyembre basado sa pagtataya kan Philippine Statistics Authority (PSA) Bicol.
Susog sa pahayag ni PSA Bicol Regional Director Cynthia Perdiz, na mas halangkaw ini kaysa sa 7.7% na inflation na nairehistro kan bulan kan Agosto ngonian na taon asin sa 1.1% na nairehistro kan Setyembre kan taong 2025.
Pangenot na rason kan marikas na paglangkaw kan inflation sa rehiyon, iyo an halangkaw na presyo sa food and non-alcoholic beverages na igwang 6.9% o katumbas nin 50.5 % sa kabilugang shares kan inflation sa bilog na rehiyon.
An naka-ambag digdi, iyo an vegetable tubers, plantings, cooking bananas, asin iba pa na igwang -0.1%, kun sain kumpwesto kan pangenot na barakalon arog kan talong, prutas, asin mani, na nasa 13.8%.
Panduwa sa nagparikas kan inflation rate sa rehiyon an paglangkaw kan presyo sa housing, water, electricity, gas, asin fuel na igwang 14.1% o katumbas nin 28.7 % sa kabilugang shares kan inflation sa rehiyon.
Pinaka-nakaambag digdi an marikas na paghiro kan presyo sa kuryente na igwang 30.4% asin panggatong na kahoy na nasa 23.8%.
Pangtulo sa nagparikas kan inflation sa rehiyon an mga produktong pang-salud na igwang 6.9% inflation rate o katumbas nin 8.8 sa kabilugang shares sa rehiyon.
Pangenot na naka-ambag digdi an marikas na paghiro kan private impatient curative asin rehabilitative services na nasa 11.5%.
Mientras tanto, limang commodity groups an nairehistrong top contributors sa inflation rate sa Bicol Region.
Nangenenot digdi an bagas na igwang 29.3% o 2.5% shares; an kuryente nasa 30.4% o 0.8% shares; an transport nasa 14.7% o 14.8% shares; an mga restaurants asin cafes nasa 8.6% o 0.6% shares; mantang an presyo kan gasolina nagmabag nin 45.1% o 0.6% sa kabilugang inflation rate sa Bicol Region.
