LEGAZPI CITY—Nag-abot sa 14,000 residentes an naapektaran kan bagyong Uwan sa banwaan kan Malinao, Albay.
Segun ki Malinao Municipal Disaster Risk Reduction and Management Office Officer in Charge Jose Lord Cid, sa intrevista kan Bombo Radyo Legazpi, na nakapagbarewas na an lokal na gobierno nin mga relief goods sa kada barangay.
Wara man suboot na nairehistrong casualty durante kan pangrarapado kan bagyong Uwan.
Dugang pa ni Cid na hasta ngonian an wara pang suplay nin kuryente sa lugar huli sa natumba an nagkapirang mga linya asin poste kan kuryente sa saindang banwaan.
Afuera digdi, nagpapadagos man an saindang assessement sa danyos kan sektor nin agrikultura asin imprastraktura.
Nagheheras man suboot an lokal na gobierno kan Malinao nin free charging para sa saindang namamanwaan.
Mientrastanto, nagpapasalamat man an opisyal sa mga konstituwentes na nagdangog sa saindang pangapudan na amay na pag-ebakwar.
