LEGAZPI CITY-Nagbisita liwat si Department of Public Works and Highways (DPWH) Secretary Vince Dizon ngani magsagibo nin inspeksyon sa proyektong Kilicao-Binitayan Bridge sa Daraga, Albay.
Segun kay Dizon, sa intrevista kan Bombo Radyo Legazpi na an two lanes kan nasabing tulay, mabubuksan na sa masunod na semana antes an Undas.
An implementasyon kan proyekto isinagibo suboot sa direktiba kan presenteng administrasyon, huli ta haros 15-taon na ining nakatengga poon pa kan panahon ni dating Ako Bicol Partylist Zaldy Co.
Sinabi ni Dizon na sa ngonian sa laog nin limang bulan, matatapos na an proyekto asin mapapakinabangan na kan mga kababayan.
Magsasagibo man sinda nin road testing asin magtatarabangan man an gabos na opisyal sa rehiyon ngani tuluyang mabuksan an proyekto asin piglalaomang maagihan kan mga residente asin motorista.
Mientras tanto, ipinahayag man ni Albay Governor Noel Rosal na an nabanggit na proyekto an magseserbing by pass asin link sa nagkapirang barangay asin banwaan sa ciudad asin mga distrito. Nagpasalamat man siya sa koordinasyon kan DPWH asin kan gobierno ngani maipaotob an proyekto.
