LEGAZPI CITY—Nagsunad nin sarong propwesto an Makabayan bloc kaiba an Pambansang Lakas ng Kilusang Mamamalakaya ng Pilipinas (PAMALAKAYA) na pig-aapod na House Bill No. 5606 o an “Atin ang Kinse Kilometro Bill” sa Kongreso kasoodmang aldaw nin Lunes, Oktubre 20.
Obheto kan propwesto na magtao nin eklusibong direchos sa municipal asin small-scale na parasisira sa laog kan 15-kilometer coastal zone kan nacion.
Segun ki PAMALAKAYA Chairperson Pando Hicap, sa intrevista kan Bombo Radyo Legazpi, simbag ini sa desisyon kan Korte Suprema sa pagdeklara kan Philippine Fisheries Code of 1998 (Republic Act 8550) na sarong unconstitutional partikularmente na sa 15-kilometers municipal fishing ground.
Dugang niya na en kaso magin ley an pigbubusol na bill an pagbabawalan na an paglaog o paglawod kan mga commercial fishing vessels sa laog kan 15-kilometer municipal waters nganing mas magkaigwa nin sustenableng pagsisira an mga saradit na parasisira kan nacion.
Mientrastanto, pighihingoa kan grupo an mahigot na pagtatarabangan kan mga saradit na parasisira asin lokal na gobierno nganing magin ganap na ley an saindang pigbubusol na propwesto.
