LEGAZPI CITY—-Kinontra kan grupo nin parasisira an pagpapatindog nin Pax Silica sa Tarlac huli sa posibleng epekto kaini sa kabuhayan asin sa kapalibutan.
Segun ki Pambansang Lakas ng Kilusang Mamamalakaya ng Pilipinas (PAMALAKAYA) Chairperson Pando Hicap, sa intrevista kan Bombo Radyo Legazpi, na posible suboot kaini na mapalayas an mga parasisira na yaon digdi an kabuhayan magin an mapoprodusir na waste materials hale sa mga pabrika na mapapasiring sa kadagatan.
Siring man na mararaot kaini an kabuludan huli sa mga kukuwaon na mga mineral na kinakaipuhan sa saindang mga pigggibong ekipahe.
Katakod kaini pangapudan ni Hicap na dapat magkaigwa nin information dissemination mapadapit sa posibleng epekto kaini asin ipigdoon na bako ini promesa nin kauswagan.
Dugang kan opisyal na bako totoo na namamanwaan an makikinabang digdi kundi magigin biktima kan mapagsamantalang dayuhan na nacion.
