LEGAZPI CITY-Padifisilan an signal o komunikasyon asin pagkakaigwa nin suplay nin tubig asin kuryente sa provincia kan Masbate na kawsa kan nakalihis na si na Bagyong Opong.
Segun kay Masbate Correspondent Jess Parion, sa intrevista kan Bombo Radyo Legazpi, na nag-aabot na sa P60 per container an bentahan kan tubig sa Masbate asin problema an pag-upload nin mga videos mantang igwang mga libreng charging stations, alagad kadakol pa an nadidifisilan sa saindang komunikasyon, pati na sa suplay nin kuryente asin tubig.
Kasunod kan pagbisita ni President Marcos, pigbusisi na man suboot kan nagkapirang mga ahensya siring kan Department of the Interior and Local Government, Department of Social Welfare and Development asin Department of Public Works and Highways kaiba an mga district engineers.
Nagkaigwa man suboot nin re-assessment huli sa nakaeksperyensya man nin linog an provincia kan Masbate kasunod kan namatian na linog sa Cebu.
Sa presente, sinabi ni Parion na nasa pigkakarkulong 60-70% an devastation sa provincia asin nasa 20-30% man an mga nawaran nin mga harong sa nasabing lugar.
Dugang pa ni Parion, na padifisilan man an pag-transport nin mga food packs sa mga isla alagad igwa man nin mga chaffeur na nagpapadara kada ika-30 minutos ngani makapaghatod sa mga lugar.
Mientrastanto, passable naman suboot an nagkapirang mga behikulo sa Ticao asin sa Burias Island.
