LEGAZPI CITY-Nangangapudan si Department of the Interior and Local Government Secretary Jonvic Remulla sa mga magurang na mas tawan nin atensyon an paggamit kan saindang mga aki nin mobile phone asin social media.
Kasunod ini kan nangyaring pambabadil sa Banga National High School sa South Cotabato, na nagresulta sa pagkagadan kan nagkapirang estudyante asin kan mismong 16-anyos na estudyanteng suspek.
Sinabi kan kalihim na dapat bantayan kan mga magurang kun ano an pighihiling, pigkakawat kan saindang mga aki, siring man an mga website na saindang pigbibisita.
Tinawan duon ni Remulla an importansya kan pagtetenir na vigilante kan mga magurang madapit sa online activities kan saindang mga aki ngani tulos na maaraman an anuman na posibleng huma o senyales nin problema.
Nangapudan si Remulla nin kooperasyon nganing mapundo nanggad an mga insidente nin kadahasan sa eskwelahan na imbuelto an mga menor de edad.
Narisa man niya an impluwensya kan ‘dark web’ sa kaisipan kan mga jovenes.
Tinawan duon ni Remulla na dae dapat tugutan na maging normal an siring na aksyon nin pambabadil o violence sa mga eskwelahan sa nacion.
