LEGAZPI CITY-Idineklara na bilang “drug-cleared” an banwaan kan Donsol, Sorsogon, makalihis maaprubaran asin marekognisa kan Regional Oversight Committee on Barangay Drug Clearing (ROCBDC) Region V.
Segun ki Sorsogon PPO, Public Information Officer, Police Lieutenant Colonel Arwin Destacamento, sa intrevista kan Bombo Radyo Legazpi na isinagibo ini kan Setyembre 23, 2026, kun sain inatendiran ni Mayor Lubiano asin saiyang komite, kan Regional Oversight Committee, Department of the Interior and Local Government (DILG), asin iba pang mga opisyal asin representates kan mga ahensya na nagsusuporta sa nasabing deliberasyon.
Sinabi ni Destacamento na difisil an pagsakatuparan kan pagigin drug cleared kan sarong banwaan, huli ta kaipuhan ining masustenir, orog na sa mga parameters na dapat warang aktibong drug personalities sa mga pigmomonitor na lugar.
Kadakol suboot an nakasuporta digdi asin isinumiter na dokumento na siertong pigbusisi kan validity team.
Dai man suboot ibig sabihon na mapondo na sinda sa kampanya kontral iligal na droga sa lugar, alagad padagos suboot an saindang monitoring asin pagsasagibo nin drug-abuse campaign asin awareness program sa tabang kan lokal na gobierno.
