LEGAZPI CITY-Makusog na kinondena kan Department of Information and Communications Technology (DICT) an insidente nin pambabadil sa Banga National High School sa South Cotabato na nagwalat nin irido sa nagkapirang mga estudyante na nagresulta sa pagkagadan kan tulong indibidwal.
An departamento nag-asegurar na an kadahasan wara nin lugar sa laog o sa palibot kan mga eskwelahan, na pigduduon na an kaligtasan kan mga estudyante, mga paratukdo, asin mga tawohan kan eskwelahan sarong prayoridad.
Nagtutubod si DICT Secretary Henry Rhoel Aguda na an mga aksyon nin kadahasan na imbuelto an mga jovenes sarong dahelan nin seryosong paghadit.
Sinabi niya na igwa nin pangangaipo na maingat na bantayan an mga grupo sa online na nagpapalakop nin ‘violent extrimist contents’, huli sa nagdadakulang huma na saindang dara.
Idinagdag kan Kalihoim na bako sanang bagay ini nin ‘screentime’, kundi sarong kritikal na isyu manungod sa kaligtasan kan publiko asin sa karahayan kan mga kaakian.
Pigsierto kaini sa publiko na magkakaigwa nin mga lakdang nganing masimbagan an isyu.
Mientrastanto, pig-aagyat an publiko na likayan an pag-repost o pag-share nin mga video, litrato, asin laog na may kinaaraman sa insidente.
