LEGAZPI CITY-Kinumpirma ni Department of the Interior and Local Government (DILG) Secretary Jonvic Remulla na na-expose na sa “dark web” an menor de edad na suspechado na imbuelto sa school shooting sa South Cotabato asin nagsasapar nin depresyon.
An mga bagay na ini, iyo an pigkokonsiderar na primerong rason sa likod kan ginibo kan estudyante, na nagresulta sa pagkagadan kan duwang kapwa estudyante asin nagwalat nin poco mas o menos walong iba pa na nairido asin presenteng nagpaparahay sa mga ospital.
Ipinaliwanag ni Remulla na igwa nin mga “dark web” sites na nakatago sa laog kan nagkapirang mobile apps na dinisenyo nganing maakit asin maimpluwensiyahan an mga jovenes na maggibo nin mga krimen.
Pigbisto man niya an pagigin madali kan pag-access kan mga jovenes sa social media bilang sarong mayor na isyu.
Huli kaini, nakikipagkoordinar an ahensya sa Department of Information and Communications Technology (DICT) ngani na limitaran an access kan mga menor de edad sa social media asin protehiran sinda sa mga malisyosong mga elemento online.
