LEGAZPI CITY-Ipigheras kan TV Host na si Bianca Gonzalez an saiyang nagin partisipasyon sa ika-4 na ASEAN Women Leaders’ Summit na isinagibo sa Maynila.
Sinabi ni Bianca na sarong onra ini para saiya na magin parte kan aktibidad mantang host an Pilipinas para sa ASEAN countries ngonian na taon.
Pig-mention man niya an mga indibidwal na nagkakaigwa nin kadifisilan mapadapit sa gender equality asin nagpahayag nin paglaom sa paagi nin mga inisyatiba arog kan isinagibong summit.
Dugang pa ni Bianca na dae mapundo an nacion ngani makamit an makatarungang kinaban para sa gabos na mga kababaihan.
