Kinumpirma kan Department of Justice na isasairarom na sa preliminary investigation an mga kasong isusunad kontra sa sarong estudyanteng nambadil sa eskwelahan sa Tacloban City.
Segun ki DOJ Usec. Ian Norman E. Dato, mausad na an pagsasagibo nin preliminary investigation an reklamong ipigsunad kontra sa 15-anyos na suspek sa pambabadil.
Enot na pigsunadan an nasabing estudyante nin tulong counts nin murder asin duwang counts nin ‘attempted murder’.
Kasunod nang magsasairarom sa ‘inquest proceedings’ kan Tacloban City Prosecutors kun sain malaog na sa preliminary investigation kan prosekusyon an mga reklamo.
Ipigkokunsiderar an estudyanteng nambadil sa Tacloban City bilang ‘children in conflict with the law’ na presenteng magtetenir sa kustodiya kan Regional Rehabilitation Center for Youth kan Region VIII.
An 14-anyos man na imbwelto sa insidente an nasa pangangataman man liwat kan Department of Social Welfare and Development kun sain isasairarom sa intervention programs’ kan ahensya.
Marurumduman na tulo an binawian nin buhay sa nasabing pambabadil.
