LEGAZPI CITY – Nagpaluwas nin pahayag an Pambansang Lakas ng Kilusang Mamamalakaya ng Pilipinas (Pamalakaya) dapit sa epekto sa mga kapwa nindang parasisisra mga provincia kan Batangas, Laguna, asin Cavite huli sa pagbagsak kan presyo nin tawilis sa P100 kada kilo gikan sa dati kaining presyo na P250 kasabay kan mga report na an mga hawak kan nawawarang sabungero na itinapok suboot sa Taal Lake.
Segun ki PAMALAKAYA Chairperson Ka Pando Hicap sa intrevista kan Bombo Radyo Legazpi na huli sa ibinuyagyag ni alyas totoy an labi an ibinaba kan presyo kompara kan bago magputok an nasabing orolay mantang maski an mga may kagsadiri nin fishcage sa taal lake an apektado na man huli ta diit na sana an ipigluluwas nindang mga sira huli man sa kahandalan na dae bakalon kan publiko.
Punto niya man na haros apat na taon na an nakaagi kan mawara an mga sabungero asin dae man ini kakaunon kan sira huli man ta dae man an mga ini nagkakaon nin karne susog man sa pahayag kan Bureau of Fisheries and Aquatic Resources.
Sa presente an posibleng bumaba pa an presyo kan mga sira alagad pwedesir man na magbalik an kompyansa kan publiko makalihis an paliwanag kan mga otoridad dapit sa mga sira sa naunambitang lawa.
Suhestyon niya man na dapat magkaigwa nin intervention an gobierno sa paagi kan suporta asin pagtabang sa mga parasisira sa pagpapabakal kan saindang mga produkto sa halangkaw na kantidad nganing dae na magpadagos an pagkalugi kaini.
Napipiritan na suboot an iba na maghanap nin trabaho huli sa hibabang presyo kan mga sira nganing magkaigwa man giraray an mga ini nin magagastos sa pang-urualdaw.
Sa hiling niya man an dae man ini mahaloy huli man sa padagos na pagpapalakop nin tamang impormasyon kan mga otoridad dapit sa mga pagkaon kan sirang tawilis.
Pangapodan ni Hicap sa publiko na dae magtubod sa mga black propaganda na ikakaraot kan kabuhayan kan mga parasisira huli ta wara ining epekto sa sira asin sa tawong makakakaon kan sirang tawilis asin tilapia sa taal lake.
 issued a statement on the impact on their fellow fishermen in the provinces of Batangas, Laguna, and Cavite due to the drop in the price of tawilis to P100 per kilo from its previous price of P250 amid reports that the bodies of tawilis were thrown into the taal Lake.){kind=link}