LEGAZPI CITY—Nagkasar nin hiro-protesta an mga grupo nin mga parasisira sa hampang kan Department of Agriculture nganing ipangapodan an marikas na pagdakol kan mga operasyon kan commercial fishing vessels sa laog kan 15-kilometer municipal waters sa nacion.
Segun ki Pambansang Lakas ng Kilusang Mamamalakaya ng Pilipinas Spokesperson Salvador France, sa intrevista kan Bombo Radyo Legazpi, an nasabing protesta an bako pagselebrar kan National Fisherfolk’s Day kundi pagkondena sa Department of Agriculture sa lakdang kaini. Asin ipigdoon niya na an 15-kilometer municipal waters an pangisdaan kan mag saradit na parasisira asin dapat na pahalion an mga komersyal na pangngisda huli sa ini suboot nagraraot sa katubigang sakop kan mga munisipyo.
Dugang kaini nag-abot sa haros 60%-70% an nawawarang ganansya kan mga saradit na parasisira puon kan nagkaigwa nin presenysa kan commercial fishing vessels sa municipal waters.
Siring man, padagos man na ipigbusol man kan grupo an House Bill 1050 asin House Bill 506 na eksklusibo na magtatag nin 15-kilometer municipal waters na para sana sa mga saradit na parasisira.
Alagad hasta sa ngunyan an wara pa sindang nareresibeng simbag sa mga ahensya kan gobierno na segun sainda an sarong iresponsable na lakdang na imbes iyo an mangenot sa mga laban kan mga parasisira an iyo pa an nangengenot na nagpapadisipisl sa saindang sektor.
