Nagluwas sa report kan International Organization for Migration (IOM) kan United Nations na dae mababa sa 139 katawo, kaibanan an 15 mga aki, an binawian nin buhay makalihis tumaob an sarong bangka na may lunad na labi sa 300 na pasahero sa baybayon kan Djibouti.
Nangyari an insidente sa pagultangan sa dagat kan Aden mantang pasiring an bangka sa Yemen hali sa Djibouti.
Anas namamanwaan kan Ethiopia an labi sa 80 nakasalbar sa nasabing shipwreck, mantang padagos an paghahanap asin pagsalbar kan mga otoridad kan Djibouti sa iba pa na nawawara.
Segun sa ahensya na an trahedyang ini an liwat na nagpagirumdom sa matinding peligro na pigkakahampang kan mga migrante na naghahanap sana nin trabaho asin mas salbadong pamumuhay sa Middle East.
Padagos man na pigpapakusog an mga lakdang ngani na maibitaran an panibagong aksidente sa nasabing ruta.
