Nagpaluwas nin patanid an Philippine National Police (PNP) kontra sa mga holiday scam asin iba pang kriminalidad mantang paparani an panahon kan Kapaskuhan sa nacion.
Pigduon ni PNP Chief Police Brig. Gen. Jose Melencio Nartatez Jr. na dapat magtenir na alerto an publiko kontra sa mga mararaot na elemento na pwedesir na magsamantala sa dagsa kan mga tawo ngunyan na holiday rush.
Inabisuhan kan kapulisan an publiko na siertuhon na lehitimo an mga travel agency asin vacation booking antes magbayad nin anuman na kantidad.
Pinayuhan man kan mga otoridad an gabos na ibitaran na magbarewas nin personal o pinansyal na impormasyon sa mga bako bistadong indibidwal ngani na dae mabiktima nin panloloko.
Inenganyar man kan pamayuhan kan kapulisan an mga namamanwaan na tulos na i-report an anuman na kaduda-duwa na aktibidad sa paagi kan emergency hotline na 911.
