LEGAZPI CITY-Nagpagirumdom an Land Transportation Bicol (LTO) Bicol sa mga motorista manungod sa seguridad sa mga tinampo, orog na sa pag-abot kan Christmas season.
Nagpatanid man sinda sa mga colorum na behikulo manungod sa saindang mas pinahigot na “Anti-colurom campaign”.
Segun ki LTO Bicol Senior Transportation Regulation Officer Czar Bayron Ceas, sa intrevista kan Bombo Radyo Legazpi na pigsasagibo ninda an mga inspeksiyon tuyong igwang okasyon, ngani maasigurar an road safety kan riding public, orog na pirmihang hararayo an saindang mga biyahe sa panahon na ini.
Pigsierto man ninda na an gabso na lunadan, nasa maayos an kondisyon ngani tugutan na makapag-biyahe.
Magsasagibo man sinda nini drug testing sa mga terminal asin makikipag-koordinar sa mga may kagsadiri kan mga bus companies.
Sinabi pa kan opisyal, na an saindang mga implementasyon para sa seguridad kan gabos, afuera sa mga drivers, magin an mga road users, kabale na an mga pedestrians, commuters, asin iba pa.
