Nagluya na suboot an hawak asin nagin haros buto’t balat na sa kapayatan si dating Presidente Rodrigo Duterte makalihis an apat na bulang pagkakakulong sa The Hague, Netherlands.
Ini an inihayag ni Elizabeth Zimmerman, dating misis ni Digong sa saiyang facebook post na ipigheras ni dating Presidential spokesman Harry Roque sa pagbisita kaini kay Digong sa detention center kan International Criminal Court (ICC).
Sinabi ni Zimmerman na sa ibong kan maray man an salud ni Digong an dakula an ibinagsak kan timbang kaini.
Si Duterte an presenteng nasa kustodiya kan ICC katakod kan kasong “crimes against humanity” sa madugong giyera kontra droga.
Nakatalaan an kumpirmasyon kan kaso laban digdi sa Setyembre 23, 2025.
Segun pa kay Zimmerman, si Duterte, an nagluya na an hawak asin mabantol nang maghiro sa ibong kan wara man ining pig-iinom na anumang maintenance na bulong.
Nagpalihis suboot nin oras an dating presidente sa paagi kan paghiling sa television sa saiyang selda asin pag-obserba kan klima sa Netherlands.
Inihayag pa kaini na nagtetenir mang nasa “good spirit” an dating Presidente.
Magigirumduman na si Digong an inarestar sa Ninoy Aquino International Airport makalihis ining mag-abot sa nacion hale sa political rally sa Hong Kong kan Marso.
